မပျော်ဘူးလို့ဖြေမယ် ဒါပေမယ့် ပျော်နေပါတယ်

ပုရိသ တစ်ယောက်ယောက်က ကျွန်မကို ဒီပတ်ဝန်းကျင် ဒီအသိုင်းအ၀န်းထဲမှာ
ပျော်နေလားလို့မေးခဲ့ရင် မပျော်ပါဘူးရှင်ရယ်ဆိုတာ ကျွန်မ ဖြေဖြေနေကျစကားပဲလေ
သိစိတ်က မပျော်ပါဘူးလို့ ဖြေလိုက်မိပေမယ့် မသိစိတ်ထဲမှာတော့ သာယာမိ ကျေနပ်မိ ပျော်နေမိတယ်
ဖယောင်းတိုင်တစ်တိုင်ဟာ အပူမီးမှာပျော်သလိုလား ရေခဲတုံး နေပူမှာပျော်သလိုလား မသိပေမယ့်
ပျော်တော့ပျော်နေတာပါပဲ ဘာလို့မပျော်လဲဆိုတဲ့ နောက်ဆက်တွဲ အဖြေက ဘ၀ဆိုတာ
ဒီလိုပါပဲတို့ ပျော်ရာမှာမနေရ တော်ရာမှာ နေရဆိုတဲ့ စကားပုံတောင်ရှိသေးတာပဲ တို့ ခပ်လွယ်လွယ်
ဖြေလိုက်တာပါပဲ မလွယ်ပဲ ခက်နေတာက ဘ၀မှာအနည်းဆုံး တစ်ခေါက်ကြုံနိုင်တယ်ဆိုတဲ့
ကံကောင်းခြင်း အခွင့်အရေး အခွင့်အလမ်းပဲ အဲဒါလေး လက်ဆုပ်ကိုင်မိတဲ့တစ်နေ့တော့
ကျွန်မဒီပတ်ဝန်းကျင်ထဲက ရုန်းထွက်ကောင်း ရုန်းထွက်ဖြစ်လိမ့်မယ်ထင်တယ် သိပ်တော့လည်း
မသေချာမှုတွေထဲက တစ်ခုခုပါပဲလေ ကျွန်မလည်း တစ်ချိန်ချိန်တော့ မိခင်စိတ်ထားပြီး သားမွေး
သာယာတဲ့အိမ်ထောင်လေးတစ်ခုတည်ထောင်ပြီး ဘ၀ကို ကြည်နူးစွာဖြတ်သန်းချင်သေးတာပေါ့လေ
ဘ၀ဆိုတာ ကိုယ်ဖြစ်ချင်သလို ဖြစ်မလာတတ်ဘူးလို့ဆိုလိုက်ရင် ကျွန်မက အရမ်းကို ပျော့ညံ့တဲ့
စိတ်မခိုင်တဲ့ မိန်းမသားတစ်ယောက်ရဲ့ အကောင်းဆုံးဆင်ခြေများ ဖြစ်သွားမလားမသိဘူးနော်
သေချာတာကတော့ အဆင်မပြေလည်း ပြေရမယ် မပျော်လည်းအတတ်နိုင်ဆုံး ကျွမ်းကျင်စွာ
ပျော်ချင်ယောင်ဆောင်ရမယ် မရယ်ချင်လည်း ဆွဲဆောင်အားပြင်းစွာ ရယ်မော ညှို့ယူနိုင်ရမယ်
ကျွန်မရတဲ့လစာလား ကျွန်မသုံးရတဲ့နှုတ်ခမ်းနီဖိုးတို့ ၀င်လာတဲ့ ခေါ်ဆိုမှုတွေကို ပြန်အီရတာတို့
အမြဲဝတ်ရတဲ့ လိင်ဆွဲဆောင်မှုအပြင်စား အ၀တ်စားဖိုးတွေတောင် မ၇ှိပါဘူး ဒါပေမယ့် တိုးတက်
ခေတ်မီနေတယ်ဆိုတဲ့ ဂလိုဘယ်ခေတ်ကြီးဆိုတာရယ် ဂုဏ်သရေရှိတို့ မျက်နှာဖုံးစွပ်ဆိုတာတွေကိုတော့
ကျွန်မ အဝေးကြီးမှာ ချန်ထားမေ့ပြစ်လှောင်ရယ်ရဲတယ် သိလား တစ်ယောက်ယောက်ကမေးလာရင်
မပျော်ဘူးလို့ ဖြေလိုက်မယ် ဒါပေမယ့် ကျွန်မ ပျော်ပါတယ် ။ ။

သုမင်းညို
၂ ၁ . ၄ . ၂ ၀ ၁ ၁
၁ ၁း ၄ ၅ နာ ရီ
ပြင်ဦးလွင်မြို့နယ်

လမ်းတွေပေါ် ရွေ့ / ရွှေ့ လိုက်တာနဲ့ အရောင်တွေ မျိုးစုံ
ဆန်းပြား /  ခမ်းနား
သုတ်သုတ် ပျာပျာ အရေးတကြီး ရွေ့လျား သွား လာ
စိတ်ကူးယဉ်မှု များများ
အိမ်မက်တွေ တကယ်ဖြစ်လာခဲ့ပြီ ဆိုကြပါစို့
လမ်းပေါ်မှာပြနေတဲ့ မျက်လှည့်ပွဲကိုငေးကြည့်နေမိတယ်
မြို့ပြဟာ
လိုအပ်လာရင် ဘ၀တစ်ခုလုံးပါ လှည့်ပစ်နိုင်တဲ့
လောက်ကောင်တွေ  သူ့ခန္ဓာကိုယ်ပေါ်မှာ တရွရွ
မြို့ပြဟာ  မာယာ မြို့ပြဟာ ၀င်္ကပါ  မြို့ပြဟာ မျက်လှည့်
ခိုတွေဟာ
သူတို့အာရုံကို ပြောင်းဖူးစေ့လေးတွေဆီကို ရွေ့ထားသလိုမျိုး
လူတွေဟာ ငွေးကြေး နဲ့ အပေါစားအောင်မြင်မှုတွေ ဆီကို
ရွှေ့နေတယ် လမ်းကို သတိထားကူးရတယ်
အသက်ကို သတိထားရူရတယ် ဘ၀ကို
သတိတားရွေ့ရတယ်
အရွေ့ / ရွှေ့ မတော်  သွားနိုင်တာ တစ်ဘ၀ပဲ
အန္တရာယ်ဟာ
အချိန် အခါ မရွေး ရွာချလာနိုင်တဲ့ မိုးသား
နေရာ ဒေသ မရွေး ပြုတ်ထွက်သွားနိုင်တဲ့ စနက်တံ
အရပ်လေးမျက်နှာ  ၃၆၀  ဒီဂရီကနေ ချောင်းမြောင်း
ကမ္ဘာမှာ စက်ရုပ်ဖြင့် ပထမဆုံး
ကျောက်ကပ်အစားထိုး ခွဲစိတ်ကုသမှု အောင်မြင်
စက်ရုပ်တွေကို ခံစားမှုဆိုင်ရာ
ဒေတာ ဆော့ဝဲများထည့်ပေးဖို့   ဖြစ်နိုင် / မဖြစ်နိုင်
အငြင်းပွားဖွယ်ရာ
နည်းပညာတွေအပေါ်  အဆိုးမြင်စိတ် အနည်းငယ်
အထူးကုဆေးခန်းကြီးတွေပေါ်က ပညာရဲ့တန်ဖိုး
အဲကွန်းတပ် အဆင့်မြင့် ကော်ဖီဆိုင်ကြီးတွေထဲက
တန်းဖိုးကြီး ကော်ဖီတစ်ခွက်ရဲ့အရသာ
အနီးပြော / အဝေးပြော
အဝေးမှ အလွမ်းခေါ်ဆိုမှုများ သိသိသာသာ မြင့်တက်လာတယ်
အဆင်မပြေမှုတွေကို ၀င်ဝင်တိုက်နေတဲ့ လမ်းမပေါ်က
ဘ၀တွေကတော့
ကုန်ကာနီး စီးကရက်လို ပူလောင်လွန်းတယ်
ဘ၀မှာ ဘာတွေမှားခဲ့ကြလဲ ဘယ်လောက်မှန်ခဲ့လဲ
မေးခွန်းနဲ့အတူ
ခေတ်ကြီးက ဖြာကျလာတဲ့ နေရောင်ပူပူမှာ
ငါတို့လို
ချွေးစို့နေသော ဆူးလေလမ်းများ ။                 ။

အဝေးပြေးဝင်းကြီးဟာ သူ့အတိုင်း သက်ဝင် လှုပ်ရှား
နိစ္စဓူဝ ကံစေ ညွှန်း / ညွှန်ရာ တစ်နေ့ပြီး တစ်နေ့
အများကြီးမျှော်လင့် ပြီး အများကြီးဆုံးရှုံးရသလိုမျိုး
ငါတွေဝေစွာ
ရင်ထဲကို အေးလို့သွားမယ်ရေခဲရေတွေ
အပူဟာ ဘာနဲ့မှငြိမ်းလို့မရတော့ မငြိမ်းတော့
သွေးသားတွေထဲကို ကူးစက် ကျွမ်းလောင်
မင်းရယ်သံ မင်းအထိအတွေ့ တွေ မရှိနိုင်တော့သော
ပြက္ခဒိန် ရက်စွဲတွေဆီ အဓိပ္ပါယ်မဲ့စွာ တွေဝေစွာ ငါ
ငေးကြည့်နေတယ်
ဗြူတီပါလာတွေ ဘီယာဆိုင်တွေ ဆေးဆိုင်တွေ
အမူးမော်ပြေ ဆေးပြားတွေ အိမ်ပြန်လက်ဆောင်တွေ
ရန်ကုန်အမှတ်တရတွေ
ငွေလွှဲလား ဘယ်ဂိတ်လဲ လတ်မှတ်ရပြီလား ဘယ်နေ့ပြန်မှာလဲ
ခဏနေထွက်မှာလေ အဲကွန်းဘတ် စ် လေ လန်းတယ်
ဘာသံမှ မကြားချင်တော့ဘူး မကြားတော့ဘူး
မင်းက ငါ့ ရင် အပင်ကနေ ကိုင်းကူးပွင့်လန်းနေတဲ့ ပန်း
မင်းမရှိတော့
ငါ့ကိုယ်ငါ သွေ့ခြောက် သေဆုံးပစ်လိုက်တော့မယ်
နေရောင်တွေ မနက်ဖြန်တွေ ရေတွေ မလိုတော့ဘူး
မလိုအပ်တော့ဘူး သေဆုံးလိုက်တော့မယ်
ငါ့ရင်ထဲက ထွက်ခွာသွားကာနီး အဝေးပြေးကားဘေးမှာ
ငါကြိုးစားရပ်နေတယ် ဟန်ဆောင်ပြုံးနေတယ်
မျက်ဝန်းတွေ ဆို့နင့် အနီရောင် အ၀ါရောင် ခံစားမှု ဗလာ
ဒီတစ်ခါ ပြီးနောက်တစ်ခါ နောက်တစ်ခေါက်
နောက်တစ်ဘ၀ နောက်ထပ်သံသရာ မရနိုင်တော့ဘူး
ကျွန်မ မရှိတော့မယ့် ရှိခဲ့သလိုနေပါ နောက်နေ့တွေကို
ချစ်နေလျက်နဲ့ဝေးကွာသွားတာလို့
အကောင်းဘက်က ရှင် လှည့်တွေးပေး တစ်ခါတစ်လေ
ပျော်အောင်လဲနေ ကဗျာတွေပဲရေးရေးမနေနဲ့
ကဗျာအကြောင်းတွေပဲ ပြောပြောမနေနဲ့
ကျန်းမာရေးကိုဂရုစိုက် နေကောင်းအောင်နေ စောစောအိပ်
ကျွန်မသွားတော့မယ် ကားထွက်ပြီ နှုတ်ဆက်ခဲ့တယ်
လက်ပြမိလား မပြမိလား မျက်ရည်ဆို့နေတာလား
ကျနေတာလား ငိုလိုက်မိတာလား
ထွက်သွားတဲ့ အဝေးပြေးကားကိုကြည့်ပြီး နှုတ်ဆက်လိုက်မိတယ်
ထင်တယ်
ငါ့ကိုယ်ငါ မသေချာ / မရေရာ တော့ ဘူး
မင်းမရှိတော့သော နောက်နေ့တွေမှာ  ကျန်းမာရေးအထူး
ဂရုစိုက်ရတော့မယ်
ထွက်ခွာချိန် ၁၃း  ၃၀ နာရီ ။                  ။

အေးစက်စက် အေးစိမ့်စိမ့် ရာသီဥတုတွေဟာ
ငါတို့ သွေးသားထဲ ပျံ့ ၀င်နေတဲ့ ဗိုင်းရပ်
ဘယ်လိုမှမကျွတ်လွတ်နိုင်တော့သော အစွဲအလမ်းပဲ
ဖောက်လွဲ ဖောက်ပြန်ကမာ့္ဘ ရာသီဥတုကြီးတွေထဲမှာ
ဒီတန်ဖိုးရှိတဲ့ရာသီဥတုလေးနဲ့တင် ကျေနပ်ပစ်လိုက်ချင်စရာ
ပျော်ရာမှာ မနေရ ဆိုတော့ တော်ရာမှာ ပျော်ရတယ်
ပြင်းတာဆိုလို့
ငါတို့အလွမ်းတွေနဲ့ဖောက်ထားတဲ့ ၀ိုင်တွေပဲရှိတယ်
ရောမရောက်တော့ ရောမလို ကျင့်ရတယ်
တောင်ပေါ်ရောက်တော့
တောင်ပေါ်  ပန်း /  အလန်း လေးတွေ ငေးကြည့်ရတယ်
ရှမ်းထမင်းဟင်း ကောင်းကောင်းစားရတယ်
ထုံးဓါတ်များများ ရေတွေ ချိုးရတယ်
ငါတို့ဝတ်ထားတဲ့ ဆွယ်တာတွေလို တောင်ပေါ်ဒေသရဲ့
နွေးထွေး ရိုးသားမှုများ
ပင်လယ်ရေမျက်နှာပြင်အထက်    ၃၅၃၈  ပေ       မှ
သတိရစိတ်နေတဲ့စိတ်တွေ
အမြဲတမ်းညှိယူနေစရာ မလိုတော့အောင် ကိုယ့်ဘက်ပါပါနေတဲ့
ရာသီဥတုတွေနဲ့
လက်ဖက်ရည်ဆိုင်တွေထဲက ဖွင့်ထားတဲ့
လူငယ်သီချင်းသံတွေနဲ့ လွတ်လပ်စွာ ပျော်ရွှင်
နှင်းတွေ  မြူတွေ ဆိုင်းပြီး
ချမ်းစိမ့်စိမ့် ဖြစ်ချင်လာတာနဲ့ ညဆည်းဆာမှာ
အချမ်းဖြေ / ပြေ  ပြီးတော့
ပြင်ဦးလွင် – လားရှိုးလမ်းမကြီးကို ငေးကြည့်ဝေရီနေရတဲ့
အရသာတွေ
ညထဲဖောက်ထွက်လာတဲ့ ဆိုင်ကယ်သံတွေနဲ့
ငါတို့လူငယ်ဘ၀တွေကို  ဖြတ်တိုက်သွားတဲ့ လေစိမ်းတွေ
တိုက်စားသွားတဲ့ အချိန်တွေ နေ့စွဲတွေ
မျက်နှာပေါ်ရောက်လာတတ်တဲ့ အေးစက်တဲ့ ခံစားမှုတွေ
ကြယ်တွေစုံတဲ့ည အမေ့အိမ်ကိုလွမ်းတယ်ဆိုတဲ့
အဆောင်ရှေ့က သီချင်းသံ /  ဂစ်တာသံတွေက အစ
ဆံပင်တွေရှည်လာတာတွေအဆုံး
ဘာနဲ့မှ လဲယူမရနိုင်တော့တဲ့ ပျော်ရွှင်မှုတွေပါပဲ
တည်ရှိခဲ့ဖူးတဲ့ မမြဲသောအရာတွေထဲက တစ်ခုပါပဲ
မန္တလေးသို့ ( ၄၂ ) မိုင်
ဆိုင်ကယ်တစ်စီးနဲ့ အတက်အဆင်းနေ့တွေ
ခြောက်ထပ်ကွေ့တွေ ၂ ၁  မိုင်တွေ ရှုခင်းတွေ
ဆိုင်ကယ်စီးလျှင် လိုအပ်လျှင်  ဦးထုပ်ဆောင်းပါ
ရှေ့တွေ အန္တရာယ် ကွေ့  / အဆင်း ရှိသည် ဂီယာကြီးဖြင့်ဆင်းပါ
ငါတို့ဟာ ဧည့်သည်
ငါတို့ဟာ သံသရာထဲက ခရီးသည်
ပြန်လိုချင်နေသေးပေမယ့်
ပြန်ရနိုင်ဖို့မလွယ်တော့တဲ့ ပြင်ဦးလွင် နေ့စွဲ ညတွေ။             ။

ပြုတ်ကျတော့မယ် ပြတ်ကျ လွတ်ထွက်တော့မယ်

မင်းကို ချစ်မိတဲ့စိတ်ကလွဲရင် ကျန်တာအားလုံးကအမှောင်

ဘာမှမမြင်တော့အောင် စုံလုံးမကအောင်ကန်း

မင်းနဲ့အတူရှိနေသော စကန့်များစွာ နာရီအနည်းငယ် မှာ

ငါ ပျော်တယ် ပျော်နေခဲ့တယ်

နားလည်မှုများစွာ တစ်ယောက်မျက်ဝန်းထဲမှာတစ်ယောက်

စီးကရက်ရနံ့များ မင်းပါးပြင်ပေါ်

မင်းအငွေ့ အသက်

မင်းအထိအတွေ့ မင်းအသက်ရူသံပြင်းပြင်းတွေဟာ

ငါ့ကို သံသရာအဆက်ဆက် ချည်နှောင်နေမယ့် ရနံ့တွေပဲ

မင်းဟာ

ဘယ်လိုဘ၀ ဘယ်လိုအဆင့်တန်းမျိုးက မိန်းကလေးလည်း

ငါစိတ်မ၀င်စားတော့ဘူး / မသိချင်ခဲ့ဘူး

ငါလက်ခံယုံကြည်ထားမိတာ လူတစ်ယောက်မှာ  တစ်သက် / တစ်ဘ၀ပဲ

ပြီးတော့  အဓိပ္ပါယ်ခွဲခြား / ကွဲပြား မသိပေမယ့်

ဒီဘက်ခေတ်ကြီးမှာ အဆင့်အတန်းဆိုတဲ့စကား အရမ်းခေတ်စားတယ်

ငါမင်းကို သတိရ လိုအပ်နေတယ်ဆိုတာ

ထမင်းစားပြီးကာစ စီးကရက်တစ်လိပ်ကို  လိုအပ်နေသလိုမျိုး

မင်းအသံလေးတွေကို

မနက်ခင်းတိုင်း မြည်နေကျ ငါ့နှိုးစက်ရဲ့အသံကို လိုအပ်နေသလိုမျိုး

ငါ  အရေးတကြီး အပြင်းအထန် လိုအပ်နေခဲ့တာပါ

တစ်ပတ်တစ်ခါ ရှော့ပင်းထွက် ရုပ်ရှင်ကြည့် အမှတ်တရလက်ဆောင်ပေး

ညတိုင်းဖုန်းခေါ် ခဏခဏ စိတ်ကောက် ဆံပင်ကောက် / ဖြောင့်

ဗြူတီပါလာလိုက်ပို့ဖို့ အပျင်းပြေ / ဖြေ ဖို့ ထားတဲ့ အပျော်ရည်းစားတွေထက်

မင်းနဲ့ ငါ ပိုပြီး ချစ်ကြမယ်

နေ့စဉ် မရှိမဖြစ် အသက်ရှင်ဖို့ လိုအပ်နေတဲ့အရာတွေလို

တစ်ယောက်ကိုတစ်ယောက် မြတ်နိုး တန်ဖိုးထားကြမယ်

တစ်ယောက် အဆင်မပြေမှု ကိုတစ်ယောက်

စစ်ပွဲတွင်း ရန်သူ့သတ်ကွင်းထဲက တိုက်ပွဲဝင် ညီအစ်ကိုတွေလို

အလိုအလျောက် နားလည်ပေးရမယ် ဖြည့်ဆည်းပေးနိုင်ရမယ်

သဲဖြူဝင်း မင်းကို ချစ်တယ် လို့

ဆန်းပြားမှု / ပကာသန ကင်းမဲ့စွာ အရိုးသားဆုံး ၀န်ခံခဲ့ပါတယ်

တစ်ရှုးစလေးကို သုံးပြီး ပစ်လိုက်သလို  ချစ်တယ် ဆိုတဲ့ စကားကို

ဒီဘက်ခေတ်ကြီးမှာ  အလွယ်တကူ သုံးစွဲနေကြပေမယ့်

သူ မတူ သောလေးနက်မှုများစွာဖြင့် မင်းကိုငါ သုံးနှုန်းခဲ့ပါတယ် ။       ။

ငါ ရန်ကုန်ကို မရောက်ဖြစ်တာ ကြာခဲ့ပေမယ့်
ရန်ကုန်နဲ့ မင်းဟာ ငါ့အပေါ် မပြောင်းလဲသောသဘောထား
ပြေပြစ်သော ဆက်ဆံရေးနဲ့ အရင်လို အရင်အတိုင်း
အချိန်တွေ ကုန်မြန်လွန်းတယ် ဆိုတာ
လှပ သေသပ်တဲ့ အကောင်းဆုံး ဆင်ခြေတစ်ခုပဲ
ငါ့တို့အသက်တွေ
နှစ်ဆယ့်နှစ်နှစ်ပြည့်လာတော့မယ့် အချိန်ထိ
ဘာမှ ဖြစ်ဖြစ်မြောက်မြောက် ဖြစ်မလာသေးတာလည်း
အထူးအထွေ အံ့သြစရာတော့ မရှိပါဘူးကွာ
ငါတို့ကလည်း အနုပညာကလွဲရင်
ဘာကိုမှ
အများကြီး မျှော်လင့်တတ်တဲ့ကောင်တွေမှ မဟုတ်တာ
မဆန်းပါဘူး ငါတို့က ဖစ်နစ်ရှင် (အဆုံးသတ်) မှ မကောင်းတာ
အဲဒါကြောင့် အပြောင်းအရွှေ့စာရင်းဆိုရင် တစ်ပြေးနေတာပဲ
မြို့ပြထဲက ဘယ်သူမှ ကောက်ဖို့ စိတ်မ၀င်စားတဲ့
အမှိုက်စတွေလိုပဲ
ဘယ်ကို လွင့်သွားမလဲ ဆိုတာချည်းပါပဲ
ရယ်ရတယ်  ခေတ်ကြီးကလည်း
ခြေစွမ်းပြဖို့မလိုတော့ပါဘူး အဆုံးသတ်ကောင်းဖို့ရယ်
ရှင်းရှင်းပြောရရင် ဆီလေးဆမ်းတတ်ဖို့ ရယ်
နှမ်းလေး ဖြူးတတ်ဖို့ပဲ လိုတော့တယ် ထင်တယ်
ငွေရေး ကြေးရေး ဆိုတာကလည်း
ငါတို့နဲ့ ပြဒါး တစ်လမ်းသံတစ်လမ်း ပါပဲ
တွဲဖက်ပြီး မစားကောင်းတဲ့ အရာ / အစားအစာ တွေလိုပေါ့ကွာ
ဘာမှ မရှိလို့ အားလုံးပြည့်စုံနေတယ်ဆိုတဲ့
စာသား အဓိပ္ပါယ်  ငါ ခိုက်တယ် မိုက်လဲမိုက်တယ်
လူတွေကလည်း
အထက်တန်းစားတံဆိပ်ကပ် မျက်မှန်ကြီးတွေ တပ်ပြီး
အသပြာစကားပြော သင်တန်းတွေဆီကိုပဲ
ပုံစံမျိုးစုံနဲ့ အပြေးအလွှား ရွေ့လျား သွားလာ
တွေ့တာနဲ့ အလု အယက်  ပြိုင် ဆိုင် ပြောဆို
တဖြည်းဖြည်း စက်ရုပ်တွေလို ကြောက်ဖို့ကောင်းလာတယ်
ကျေးဇူးတင်စကားဆိုတာ မင်းနဲ့ငါ့ကြားမှာ
မလိုအပ်ခဲ့ပေမယ့်
ငါရန်ကုန်ရောက်တုန်း ကူညီခဲ့တာတွေအတွက်
ကျေးဇူးတင်ပါတယ် သူငယ်ချင်း
တစ်ခါတစ်လေတော့လည်း နားလည်ရခက်ပါတယ်
ခက်တယ် ခက်တယ်
ကိုယ့်ဘက်မှာ ဘာမှအဆင်မပြေတဲ့အခါ
အန္တရာယ် တွင်းထဲကို အလိုလိုပြုတ်ကျသွားတော့တာပဲ
နောက်ဆုံးတော့လည်း
ကိုယ့်ခံစစ်ကလွဲရင် ဘယ်အရာမှ လုံခြုံမှုမရှိဘူးဆိုတာ
သိသိလာတယ် သိလာခဲ့တယ်
လူတစ်ယောက်ဖြစ်လာဖို့ ခက်ခဲခဲ့သလို
လူ့အဖြစ်မှာ အသက်ဆက်ရပ်တည်ဖို့အတွက်လည်း
ခက်ခဲပါတယ်ကွာ
အသက်ရှင်ရပ်တည်ဖို့ မနည်းကို ကာကွယ်နေရတယ်
မလုံခြုံမှုတွေပြည့်နေပေမယ့်
ငါတို့ရလာတဲ့ ဘ၀လေး အချိန်ခဏလေးမှာ
လူသားချင်းတန်ဖိုးထားကြမယ် မြတ်နိုးကြမယ်
လူသားချင်း စာနာကြမယ် ဖေးမကြမယ်
ငါတို့တွေ
သူတစ်ပါးကိုနင်းမှ ရောက်မယ့် အမြင့်ကို ရှောင်ကြမယ်
သူတစ်ပါးမျက်ရည်နဲ့ခင်းမှ ရောက်မယ့်လမ်းကို
ရှောင်ကြမယ်
သူတစ်ပါးဝမ်းနည်းမှုနဲ့မှရမယ့် ပျော်ရွှင်မှုကို ရှောင်မယ်
စေတနာဟာ လူတိုင်းအတွက် မတန်ဘူးဆိုခဲ့ရင်တောင်
မေတ္တာတရားဟာ လူတိုင်းအတွက် မတန်ဘူးဆိုခဲ့ရင်တောင်
ငါတို့  လူတိုင်းပေါ် စေတနာထားကြမယ်
မေတ္တာတရားထားကြမယ်
မေတ္တာတရားလွှမ်းခြုံရင် အရာရာ လုံခြုံနိုင်ပါတယ်ကွာ
ငါယုံကြည်သလို မင်းလည်း လက်ခံယုံကြည်မယ်လို့
ငါယုံကြည်တယ် သူငယ်ချင်း
မင်း ရန်ကုန်မှာ အဆင်ပြေပါစေ ။           ။

မြက်ဖျားလေးတွေပေါ် တွဲလဲခိုနေတဲ့ နှင်းစက်
နှင်းစက်ပေါ် ဖြာ ကျနေတဲ့ လရောင်တွေ
လရောင်တွေနဲ့အတူ ငါ့ သတိရစိတ်ထဲက မင်း
မင်း အနာဂတ် အရေးအသားမှာ မပါတော့တဲ့ ငါ
ငါ့ မျက်ဝန်းဖျားလေးတွေပေါ် တွဲလဲခိုနေတဲ့
နှင်း စက် တွေ ။        ။

ငါနဲ့ဝေးသွားတဲ့အခါ မင်း မပျော်နိုင်တော့မှန်းလည်း ငါ  သိနေတယ်
ချစ်မိတဲ့စိတ်ကိုလည်း အပြစ်မမြင်စေချင်တော့ဘူး
သတိရတယ်  သတိရတယ် သတိရတယ် သတိရနေတယ်
သတိရနေတယ် ဆိုရင် ရာသီဥတုက ရွာတော့မယ်ဆိုတာချည်းပဲ
အပြင်းအထန် သတိရနေတဲ့စိတ်ကို  ကြိုးစားမေ့နေရတယ်
အလွတ်ရနေတဲ့ဖုန်းနံပါတ်ကိုလည်း မေ့ချင်ယောင်ဆောင်ထားရတယ်
ခက်တယ်ကွာ
ငါ့မှာပေးနိုင်တာ ရှိနေတာ ကဗျာရယ် မင်းကိုချစ်တဲ့စိတ်ရယ်ပဲ
မင်းကခေတ်ပညာတတ် ဂုဏ်မြင့်သူ ငါ့ကိုချစ်တဲ့ မိန်းကလေး
တူနှစ်ကိုယ်တဲ့အိုပျက်မှာပဲ နေရ နေရ ဆိုတာ ဒီဘက်ခေတ်ကြီးထဲမှာ
သီချင်းထဲမှာ ကျန်ခဲ့မယ့်ဟာသတစ်ခုပဲ
မင်းကို အဲလို ဟာသတွေကို မျက်ရည်စတွေနဲ့ဆိုဆိုပြီး
သွပ်သွပ်ခါနေအောင် ရူးသွပ်မနေစေချင်ခဲ့ဘူး
၂၁ ရာစုက  ဖွင့်ဆိုလိုက်တဲ့ အိမ်ထောင်ရေး အဓိပ္ပါယ်မှာ
ချစ်နေတာတစ်ခုတည်းနဲ့ မပြီးပြည့်စုံနိုင်တော့ဘူး
တစ်ခုပြီးတစ်ခု လိုအပ်လာလိမ့်မယ် လိုအပ်နေမယ်  ပြီးတော့
ငါတို့ နှစ်ယောက်ရဲ့ နောက်ထပ် မျိုးဆက်အတွက် ငါ စိုး၇ိမ်မိတယ်
ငါ့ဘ၀ထဲ မင်းကို ဆွဲမခေါ်ရက်ခဲ့ဘူး ဆိုတာကလည်း
ဂန္ဓမာပန်းပွင့်လေး တစ်ပွင့်တည်း လန်း ဆန်း လှ ပ နိုင်ဖို့အတွက်
ဘေးကထွက်လာတဲ့ အတက် အလက် တွေကို ချိုးဖယ်လိုက်သလိုမျိုး
မင်းဘ၀ထဲကနေ ငါ နာကျင် စွာ ဖယ်ထွက်ခဲ့ပါတယ်
မင်းလည်း နာကျင်တော့မှာပဲ ငါ သိတယ် သိသိနေတယ်
ချစ်တဲ့စိတ်နဲ့ အရာရာကို ရင်ဆိုင်ခဲ့ဖူးတဲ့နောက်
ချစ်တဲ့စိတ်နဲ့ပဲ အရာရာ  / မင်း ကို ငါ စွန့်လွှတ်လိုက်ပါတယ်
မင်းနားလည်နိုင်ပါစေတော့  ညီမလေး ။                  ။

အလိုမတူရင်  သူဋ္ဌေးသမီးတစ်ယောက် ဆင်းရဲသားတစ်ယောက်ရဲ့
ချစ်ခြင်း ကို ငြင်းပြစ်လိုက်သလိုမျိုး ခပ်မာမာ ခပ်ပြတ်ပြတ်
်ငြင်းဆိုလိုက် ရတယ် ဆန့်ကျင်ဘက် ပြောင်းပြန်
ဘယ်တော့မှ မနီးတော့မယ့် ကဗျာ ဟိုးအဝေး
ပါရှိသောကံစမ်းမဲများမှာ ဖလက်တီဗွီ ရေခဲသေတ္တာ အ၀တ်လျှော်စက်
ဆိုင်ကယ် အမ်ပီသရီး / ဖိုး အလန်းဆိုမှ အလန်း / လန် တွေချည်းပဲ
တကယ်တမ်းကျတော့ နိုင်ငံခြားခရီးထွက်ရကိန်းရှိ

ဒီဘက်ခေတ် ဒီဘက်ကမ္ဘာမှာ
ရေကြီးတယ် ငလျင်လှုပ်တယ် ရာသီဥတုဖောက်လာတယ်
အီမိုဖက်ရှင်တွေ ၀တ်စားဆင်ယင်မှုတွေ ခေတ်စားလာတယ်
မပြောင်းလဲတာ အမြဲတမ်း သစ်နေတာ ငါ့သစ္စာတရားပဲ
ကိုယ့်ဘက်မှာ ဘယ်သူမှမရှိတော့ဘူးဆိုတဲ့
အထီးကျန်နေတဲ့စိတ်နဲ့ အခန်းထဲမှာ
သောက်လက်စ စီးကရက်မှာ စိတ္တဇဟာ အငွေ့ပျံနေတယ်
နှစ်ယောက်အတူ တစ်ဘ၀
ငါကိုယ်က စိတ်ကူးယဉ်ဆန်လွန်းခဲ့တာပါကွာ
ယုံကြည်တဲ့အရာတွေ ပျောက်ဆုံးသွားတဲ့နောက် ထပ်ပြီး
ယုံကြည်စရာ တစ်ဘ၀စာ နာကျင်ခဲ့ဘူးတဲ့နောက်
နောက်ထပ် နာကျင်စရာ တစ်ဘ၀
တစ်ဘ၀စာ ဆုံးရှုံးခဲ့ဘူးတဲ့နောက် ထပ်ပြီးဆုံးရှုံးစရာ
ရှိသေးလား ရှိသင့်သေးလား ငါသိချင်နေမိတယ်
ဝမ်းနည်းနေတဲ့စိတ်ဟာ
နောက်ဆုံးမိနစ်မှာ အနိုင်ဂိုးပေးလိုက်ရတဲ့
တစ်ဖက်အသင်းရဲ့ ခံစားမှုမျိုးနဲ့ပဲ ဆွေးဆွေးမြည့်မြည့်
ပြန်တွေးမိတိုင်း ထိတ်လန့် သွေး ပျက် ခြောက်ချား
မင်းမရှိတဲ့အခါ နေရာဟောင်းတွေဟာ အရင်လို အသက်ဝင်
မင်းရယ်သံတွေဟာ ငါ့ကို ခြောက်လှန့်
အချစ်အကြောင်းတွေပါတဲ့ ကဗျာ / ၀တ္ထု / ရုပ်ရှင် / သီချင်း
အားလုံးကို ငြင်းပယ် လျစ်လျူရှုပြီး
ရိုမန့်ဆန်တဲ့ ကမ္ဘာနဲ့ ဝေးတဲ့နေရာ
ငါ့အခန်းကျဉ်းလေးထဲမှာ  သတိရစိတ်ဟာ အပြင်းစား မီးလျှံ
လွမ်း ဆွတ် ကွဲ အက် ကျိုး ပြတ် ကျေ မွ ကွဲ ရှ ရီ ဝေ
ငါပေးခဲ့ဖူးတဲ့ နှင်းဆီပန်းဆယ်ပွင့်ထဲက
တစ်ပွင့်တည်း ကျန်ခဲ့မယ့် စက္ကူပန်းလေးရဲ့ အဓိပ္ပါယ်လို
ပြောင်းလဲလာတဲ့ အချစ် / ခေတ် ရေစီးကြောင်းမှာ
ဘယ်တော့မှ မပြောင်းလဲတော့တာ ငါ့သစ္စာတရားပဲ
မင်း ခေတ်အဆက်ဆက် သံသရာအဆက်ဆက်
ယုံပါ
ယုံကြည်ပါ ညီမလေး ။               ။